Disa vende të Europës vijojnë të përballen me pasojat e motit të keq. Në disa rajone të Kroacisë është aktivizuar alarmi i kuq për shkak të reshjeve të dendura që rrezikojnë përmbytjen e shumë zonave.
Në Dalmaci, Likë, Gorski Kotar dhe në disa vende të tjera niveli i reshjeve ka arritur deri në 80 mm. Shumë njerëz janë evakuuar, disa rrugë kryesore janë paralizuar dhe gjithashtu ka patur probleme edhe me furnizimin e energji elektrike. Në Bosnje Hercegovinë, afër kufirit me Kroacinë, stuhia e fortë ka shkatërruar një kamp refugjatësh në të cilin gjendeshin rreth 2,000 persona.
Në kamp nuk ka as energji elektrike dhe as ujë. Ndërsa veriu i Spanjës është goditur nga stuhi të forta dëbore, me një shpejtësi ere deri 120 km/orë, që ka paralizuar qarkullimin në rajonet e Galithias dhe Asturias. /e.s/
