Operatori i Shpërndarjes së Energjisë Elektrike (OSHEE) njoftoi sot se po ndjek me përparësi situatën e krijuar në vend si pasojë e motit të keq me reshje shiu dhe bore.
Nisur nga parashikimi i motit ku sipas sinoptikanëve pritet ulje mjaft e ndjeshme e temperaturave dhe reshje të dendura, gjatë ditëve në vijim, kompania OSHEE ka ngritur gatishmërinë për garantimin e furnizimit me energji të abonentëve dhe riparimin e çdo defekti që mund të krijohet në rrjetin e shpërndarjes, nga moti i keq.
Sipas OSHEE janë angazhuar në terren rreth 1800 punonjës nga 11 drejtoritë rajonale të OSHEE, për riparimin e defekteve në të gjithë vendin.
Me porosi të administratorit të OSHEE, z.Adrian Çela, grupet e gatishmërisë po monitorojnë 24 orë pa ndërprerje pikat strategjikë te furnizimit me energji elektrike, sidomos spitalet, hidrovorët, institucionet e rëndësisë së veçantë dhe abonentët pa përjashtim. Deri më tani, nga të dhënat, 90% e problemeve shfaqen në zonat rurale, me rrjet të amortizuar, prej 6 kV.
OSHEE kërkon mirëkuptimin e abonentëve për problemet me furnizimin me energji që mund të shfaqen gjatë këtyre ditëve, por garanton se impenjimi i punonjësve tanë do të jetë maksimal për eliminimin e çdo avarie në rrjet dhe rikthimin e energjisë elektrike tek të gjithë abonentët.
Numrat e kontakteve sipas rajoneve janë:
Rajoni Shkodër
Shkodra, Kopliku, Pika dhe Lezha: 022 – 801 023 / 801 024 / 801 025 /
801 026 dhe 801 028
Rajoni Kukës
Has, Tropojë dhe Kukës: 024 222 555
Rajoni Burrel
Mirditë, Burrel, Bulqizë, Dibër dhe Laç: 021 723 221/2
Rajoni Durrës
Durrës, Kavajë, Rrogozhinë, Shijak, Fushë-Krujë dhe Krujë:
052 222 097 dhe 052 235 588
Rajoni i Tiranë
Tirana 1, 2 dhe 3 (Vora, Kamza dhe fshatrat)
042 355 269 / 042 355 270 / 044 528 888 / 044 505 269 / 044 505 270
Rajoni i Elbasanit
Elbasan, Peqin, Cërrik, Gramsh, Librazhd dhe Përrenjas
054 243 953 / 054 257 400
Rajoni i Fierit
Fier, Ballsh, Mallakastër dhe Tepelenë
034 210 000 / 034 210 002
Rajoni i Beratit
Berat, Skrapar, Kuçovë dhe Lushnjë
032 230 520 / 032 232 311
Rajoni i Korçës
Pogradec, Korçë, Bilisht dhe Kolonjë
082 245 919 / 082 248 310
Rajoni i Vlorës
Vlorë dhe Himarë 033 426 260 / 033 407 400
Rajoni i Gjirokastrës
Gjirokastër, Delvinë, Përmet dhe Sarandë
084 262 555 / 084 264 465
/a.k
