Kapiteneria e portit detar të Vlorës, ka vendosur të pezullojë lundrimin detar për të gjitha mjetet e vogla lundruese edhe mjetet e peshkimit.
Sipas kapitenerisë, arsyeja e pezullimit të lundrimit detar ka qenë era e fortë bregdetare me drejtim jug-juglindje, me shpejtësi brenda gjirit të Vlorës 15 metër për sekondë dhe në det të hapur 20 metër për sekondë shkakton dallgë të larta brenda gjirit deri në 1.5 metër lartësi ndërsa në det të hapur dallgët arrijnë deri në 2.5 metër lartësi duke e bërë të pamundur lundrimin e këtyre mjeteve.
Sipas informacionit nga kapiteneria pranë portit detar të Vlorës, pezullimi i lundrimit detar ka nisur ka filluar në orën 10 e mëngjesit të kësaj të mërkure.
Pezullimi i lundrimit detar do të vazhdojë deri në orën 6 të mëngjesit të ditës së enjteje. Kapiteneria e portit detar bënë me dije se tragetet e linjës vazhdojnë lundrimin në noramalitet të plotë për shkak se mund të përballojnë forcë më të madhe deti.
Ndërkohë për të gjithë drejtuesit e mjeteve detare është bërë thirrje që të ankorojnë në bregun e detit mjetet lundruese për të shmangur dëmet nga përplasja e tyre. Për këtë arsye administratorët e tyre kanë nisur sigurimin e mjeteve lundruese në bregdet për të shmangur dëmet.
