Presidenti Bajram Begaj ka reaguar në lidhje me situatën e rënduar të krijuar si pasojë e reshjeve të dendura të shiut.
Ai thotë se institucionet përgjegjëse duhet të tregojnë përgjegjshmëri maksimale për të mbrojtur jetën dhe pronën e qytetarëve.
“Po ndjek me vëmendje situatën e rënduar të krijuar nga reshjet e shiut dhe stuhitë në shumë qarqe të vendit.
Është e rëndësishme që përballë kësaj situate serioze të gjitha institucionet përgjegjëse dhe pushteti lokal, të tregojnë përgjegjshmëri maksimale, për të mbrojtur jetën dhe pronën e çdo individi, si dhe për të marrë të gjitha masat e nevojshme për të përballuar dhe paraprirë emergjencat e ndryshme të orëve apo ditëve në vijim.
Është e rëndësishme që popullata të ketë informacionin e nevojshëm në kohë reale për të përballuar si duhet çdo vështirësi, gjithmonë duke patur mbështetjen e institucioneve shtetërore”, tha Begaj.
/a.r
