Temperaturat e ulëta rikthehen në vendin tonë. Teksa disa po merren me përgatitjet për darkën e ndërrimit të viteve, disa të tjerë kanë zgjedhur që këtë festë ta kalojnë në zonat malore.
Sipas sinoptikanëve, në kryeqytet këtë fundjavë temperaturat do të shkojnë deri në 0 gradë celsius. Dhe duhet të bëni kujdes.
“Pritet që të kemi këto temperature tipike të muajit të dimrit duke bërë që vlerat termike minimale të shënohen në zonat malore me -5 dhe -6 gradë Celsius ndërsa vlerat maksimale do të shënohen përgjatë ultësirës perëndimore me 11 dhe 12 gradë Celsius. Në Tiranë pritet që të jenë vlerat tipike të muajit të dimrit duke bërë që vlerat minimale të shënohen në 0 dhe 1 gradë celsius ndërsa vlerat maksimale do të shënohen në 9 gradë Celsius”, shprehen sinoptikanët.
Ndërkaq, temperaturat e ulëta pritet që të sjellin dhe reshje të lehta dëbore në Kukës, Pukë, Peshkopi, Korçë dhe Ersekë. /e.s/
