Ambasada ruse në Tiranë në një reagim për median ruse “Sputnik” deklaron se është informuar nga mediat për ndalimin e dy shtetasve rusë në Tiranë.
Ambasada në Tiranë ka bërë me dije se nuk ka marrë asnjë informacion zyrtar nga autoritetet shqiptare në lidhje me incidentin.
Selia diplomatike e Rusisë në Tiranë kërkon mundësinë e organizimit të një takimi me shtetasit rusë të ndaluar.
Për median ruse Ambasada tha se i kërkoi Ministrisë së Jashtme Shqiptare të njoftojë misionin diplomatik rus për identitetin e të arrestuarve, vendndodhjen e tyre aktuale, cilat janë akuzat, procedimet e mëtejshme ndaj tyre, si dhe mundësinë e organizimit të një takimi të përfaqësuesit të departamentit konsullor të ambasadës me rusët e ndaluar.
Ndaj dy shtetasve rusë dhe një ukrainasi janë ngritur akuzat për spiunazh.
/a.r
