Rusia ka bërë të ditur se çdo amerikan i kapur në Ukrainë do të mbajë përgjegjësi për krimet e kryera.
Ndërkaq Departamenti Amerikan i Shtetit po heton kapjen e Alexander Drueke dhe Andy Tai Ngoc Huynh, dy amerikanë të zhdukur që dolën vullnetarë për të mbrojtur Ukrainën kundër pushtuesve rusë.
Javën e kaluar u shfaq një fotografi që tregonte dy veteranët në pjesën e pasme të një kamioni ushtarak me duart e lidhura pas tyre.
Agjencia e lajmeve RIA citoi zëdhënësin e Kremlinit Dmitry Peskov të ketë thënë se të arrestuarit nuk mbuloheshin nga konventa e Gjenevës, pasi ata nuk ishin pjesë e trupave të rregullt.
Javën e kaluar, familja e ish-oficerit të Trupave Detare Grady Kurpasi zbuloi se ai ishte zhdukur në zonën e Khersonit që nga fundi i prillit.
Është e paqartë nëse Departamenti i Shtetit po heton nëse edhe Kurpasi është kapur. Deri më tani në konflikt, një shtetas amerikan është vrarë duke luftuar si vullnetar./m.j
