ILDKPI ka vendosur 550 gjoba, duke nisur nga 100 mijë lekë, për mosdeklarim të pasurive apo shkelje gjatë vitit të shkuar.
Të dhënat statistikore tregojnë se institucioni i ILDKPKI ka tejkaluar me 35% (përqind) numrin e përgjithshëm të masave administrative të aplikuara gjatë vitit paraardhës, që ishin në total 400, 0 në 2013 dhe 71 në 2012.
Nga ana tjetër, sipas të dhënave, Gjykata Administrative, me përjashtim të 3-4 rasteve, ka konfirmuar duke lenë në fuqi të gjitha vendimet e masave administrative, “gjobë” të vendosura nga ILDKPKI, raporton Monitor.
Inspektorati i Lartë bën të ditur se pas amendimeve ligjore të prillit 2014, në zbatim të nenit 44 të ligjit nr. 9367, datë 7.4.2005, “Për parandalimin e konfliktit të interesave…”, dhe nenit 40, të ligjit nr. 9049, datë 10.4.2003, “Për deklarimin dhe kontrollin e pasurive…”, të ndryshuar, për shkelje të afateve të deklarimit, rregullave të deklarimit, mosdeklarimit apo vendimarrjes në kushtet e konfliktit të interesave, Masat administrative, “gjobë” fillojnë në minimum nga 100.000 lekë për rastet e refuzimeve për deklarim dhe rriten progresivisht për rastet e mos deklarimeve dhe/apo për çështje të konfliktit të interesave./a.m.
