Kuvendi është përfshirë në debate të ashpra rreth projektligjit për Teatrin Kombëtar.
Kreu i Partisë Demokratike, Lulzim Basha kërkoi në Parlament, që të vinte Rama të jepte shpjegime për atë që ai e konsideron si vjedhjen 200 mln euro për Teatrin Kombëtar.
Basha foli me gjuhë të ashpër, duke akuzuar deputetet e ps si hajdutë
“Nëse nuk ka këllqe ajo siç nuk kishte këllqe në komisione, të vijë ideatori i vjedhjes 200 mln euro, të japë përgjigje këtu. Kush jeni që e trajtoni opozitën si dekor. Minimalisht përgjigjuni pyetjeve. Janë të qarta, konkrete. Mos vazhdoni me procedurë fasadë, se nuk do t’i lini rrugë tjetër njerëzve pastaj, sepse do t’u trajtoni siç trajtohet çdo fasadë kriminale. Mos u zgërdhini, hajdutër“, tha Basha
Në përgjigje, kreu i grupit të PS, Taulant Balla, i kërkoi kryetarit të Kuvendit, Gramoz Ruçi të marrë masa ndëshkimore ndaj Bashës.
Ai akuzoi Bashën se ka përdorur gjuhë fyese dhe të papranueshme në Kuvend duke shkelur Kodin e Etikës.
‘ Z. Kryetar i Kuvendit në mënyrë të përsëritur disa përfaqësues të opozitës, kryetari i grupit parlamentar Spaho dhe tani krytari i PD-së përdorin në Kuvend një gjuhë tërësisht të papranueshme, me fyerje të papranueshme nga kodi i etikës i miratuar nga ky Kuvend dhe nga rregullorja e Kuvendit.
Unë i mirëkuptoj përfaqësuesit e opozitës që kauzat e tyre të gjitha janë fashitur të gjitha në betejat e tyre me mullinjtë e erës. Kjo është e njëjta betejë sikurse për Bulevardin, sheshin Skënderbej, parkun, stadiumin Qemal Stafa dhe të gjitha investimet e rëndësishme në Tiranë si këto.
Por këta persona të papërgjegjshën në gjuhën që përdorin dhe retorikën e papranueshme nuk mund të lihen jashtë vëmendjes. Më lejoni t’ju them që grupi parlamentar i Partisë Socialiste për deputetin parafolës do ti kërkojë byrosë së Kuvendit masën ndëshkimore për gjuhë tërësisht të papranueshme.
Dhe e dyta përsa i përket procedurës, Kuvendi i Shqipërisë e ka të përcaktuar shumë qartë në nenin 73 të zhvillimit të një seance plenare. Nëse opozita ka ardhur që përmes pyetjeve, për të cilat i ka marrë përgjigjet një për një në komisionet parlamentare, më 3 komisionet parlamentrare, kjo çështje tashmë është e mbyllur sepse kryetari i Kuvendit ka përcaktuar tashmë listën e deputetëve për të zhvilluar debatin.”, tha Balla
a.ç
