Kryedemokrati Lulzim Basha ka theksuar sot se në situatën që po kalon vendi, shtresat në nevojë, por jo vetëm, edhe biznesi i vogël e i madh, duhet të marrin ndihmë dhe jo fjalë.
“Si mundet që Shqipëria t’i dalë para pasojave të koronavirusit e të mos i shkojë pas. Jo tjetër flasim e tjetër bëjmë, asnjë qindarkë nuk është shpërndarë te njerëzit në nevojë, njerëzit kanë nevojë për mbështetje financiare, për para. Ku t’i gjejë paratë? Le t’i alokojë fondet nga investimet publike dhe shpenzimet e luksit që nuk janë domosdoshmëri në kohë krize, kjo do të mjaftonte për të administruar 3 muaj, por buxheti ka edhe rezerva të tjera për të përballuar krizën”, tha Basha.
Pyetur nga media, nëse vendi ynë duhet të ndjekë shembullin e Amerikës në kuadër të paketës së emergjencës u përgjigj: “Mos të shohim Amerikën, të shohim Kosovën dhe të veprojmë pa vonesë, nga opozita ka vetëm bashkëpunim, se të propozosh zgjidhje dhe të nxitësh për zgjidhjen e tyre është bashkëpunimi dhe detyrimi ynë për interesin e qytetarëve”,
Me sa duket kreut të PD Lulzim basha i “qan” zemra për mocion mosbesimi ndaj Edi Ramës, siç ndodhi me Albin Kurtin në Kosovë që u rrëzua si kryeminister, por nuk ka fuqi pasi nuk ka asnjë deputet. Prandaj thotë “mos shihni Amerikën, por Kosovën”. /tema/
