Kushdo që ka rrezik për mpiksje gjaku, apo tromboza, kur merr specin e kuq djegës, përmirëson qarkullimin e gjakut. Dhe kur gjaku qarkullon më mirë, rreziku i ngrirjes, zvogëlohet.
Nëse ka diçka që jo vetëm përmirëson shumë qarkullimin e gjakut, por e barazon atë në të gjitha pjesët e trupit, nga koka deri tek këmbët, ky është speci i kuq djegës. Disa bimë të tjera si xhinxheri janë të shquar për të nxitur përmirësimin e fluksit të gjakut në tru, disa bimë si murrizi shtojnë fluksin e gjakut brenda zemrës, ndërsa speci i kuq djegës punon kudo.
Veprimi i tij i ngjason Vitaminës B3, Niacinës, e cila çon gjak deri në kapilarët më të vegjël. Por ndërsa ul rrezikun e koagulimit të tepruar të gjakut dhe pllakave trombotike, speci i kuq djegës bën një veprim të kundërt në rastet kur ka një hemorragji, një gjakderdhje të brendshme apo të jashtme.
Pluhuri djegës i vendosur në vendin e plagës ose i marrë nga brenda në formë çaji pushon menjëherë rrjedhjen e gjakut në lëkurë, në zorrë, stomak e kudo. Ai menjëherë krijon ‘tampon’. Kjo cilësi e tij është përmendur në veprën e herbalistit të madh amerikan Dr. Kristofer. Kjo erëz bën pjesë gjithashtu në bagazhet e ushtrisë amerikane. Ajo përdoret në rastet e plagosjeve.
Falë kësaj cilësie të mrekullueshme, speci i kuq djegës përmirëson qarkullimin e gjakut, pa rrezikun e gjakderdhjes së brendshme që ka aspirina. Ndërsa aspirina përmirëson qarkullimin e gjakut, hollon gjakun dhe parandalon infarktin, por rrezikon për gjakderdhje stomaku, zorrësh si dhe hemorragji cerebrale, sidomos në moshat e mëdha, speci i kuq djegës i ka të gjitha cilësitë pozitive të aspirinës, por pa rrezikun e hemorragjisë se brendshme.
Speci i kuq djegës parandalon goditjet në zemër dhe në tru, hap enët e gjakut, i relakson ato, ul kolesterolin, ndihmon në zvogëlimin e pllakave arterosklerotike, ul relativisht tensionin e lartë dhe hollon gjakun tek pesonat që janë të rrezikuar nga koagulimi i tepruar.
Çaji i specit të kuq djegës si dhe fërkimi me krem me spec të kuq djegës në kraharor largon dhimbjet e gjoksit, që mund të jenë me natyrë kardiake ose jo, dhimbjet e stomakut, dhimbjet që vijnë nga ftohjet, nga çrregullimi i sistemit nervor autonom, nga paniku apo nga një ngushtim i enëve të gjakut dhe mosfurnizim si duhet i zemrës.
/a.r
