Një 33-vjeçar i shpallur në kërkim për grabitje banke u arrestua në pikën e Morinës me një sasi droge. Bëhet fjalë për shtetasin Elton (Fatjon) Lika.
“Ky person figuronte person i shpallur në kërkim nga Drejtoria e Policisë së Shtetit, për veprën penale “Vjedhje e bankave dhe arkave të kursimit, kryer në bashkëpunim”- njofton policia.
Sipas saj, shërbimet e Policisë Kufitare Morinë mbi bazën e informacioneve të marra në rrugë operative se një automjet tip “Renault”me targa TR 8348 R, mund të transportonte lëndë narkotike, menjëherë porsa ka mbërritur ky automjet e kanë kaluar për kontroll të imtësishëm në vijë të dytë.
Nga kontrolli rezultoi se në brendësi të automjetit poshtë sendileve të pasme, ju gjetën dhe sekuestruan 7 pako të mbështjella me natriban, të dyshuara me lëndë narkotike Cannabis Sattiva, me peshë rreth 2.5 kg.
