Vincenzo Montella thotë se është shumë krenar me Milanin edhe pse u mposht 3 me 2 nga Interi në Derby della Madonnina.
Mauro Icardi me hat-trick siguroi fitoren e Interit. Kjo fitore u sigurua në minutën e fundit të ndeshjes pas një penaltie e akorduar në favor të Interit.
“Bëmë paraqitje të mirë në pjesën e dytë dhe jam shumë krenar, luajtëm me shpirt të Milanit, luajtëm siç jemi. Turp që nuk arritëm të marrim pikë, por jemi në rrugën e duhur dhe jemi optimistë”, ka thënë Montella pas ndeshjes.
Me katër humbje nga tetë ndeshjet e para, Milani është 12 pikë prapa liderit Napoli.“Duke e parë tabelën tash, gjithçka duket e paarritshme, por sezoni është i gjatë dhe mund të ngritemi. Unë besoj se top-katërshja është absolutisht e mundshme”, ka thënë ai më tej, përgatiti Koha. (b.an)
