Drejtuesja e Këshillit Kombëtar të Integrimit Majlinda Bregu nuk i ka rezistuar dëshirës për të bërë disa thumbime, jo vetëm me kundërshtaren e saj politike, Monika Kryemadhi, por edhe me kolegun e tij, deputetin Flamur Noka.
Gjatë fjalës që po mbanin deputetë të ndryshëm, në takimin me komisionerin e BE-së për zgjerimin Johanes Hahn, deputetja e LSI, Monika Kryemadhi i vuri në dukje Majlinda Bregut se koha ishte e limituar. Bregu ka thumbuar deputeten, që është dhe bashkëshortja e kreut të LSI Ilir Meta duke thënë
“Monika thotë se nuk kemi shumë kohë se do të takojë kryetarin”.
Gjithashtu, fërkim pati edhe me deputetin e PD-së, Flamur Noka, i cili kërkoi 2 minuta kohë fjale për Halimin.
“Kur të jesh ti Flamur në këtë karrige jepi edhe 4 minuta po të duash Halimit”, tha Bregu.
