Kryetarja e LSI-së, Monika Kryemadhi e ftuar në “360 Gradë”, në Ora News, u pyet se pse u mbyll protesta pasditen e së shtunës.
Kryemadhi: Nuk ishte sinjal. Ishte agjendë shumë e qartë e opozitës. Mos të harrojmë që pjesëmarrja e protestuesve ishte e jashtëzakonshme.
Mbi 20 herë janë hedhur lëndë helmuese ushtarake. Kjo gjë ndodhi në mënyrë permanente. Qëllimin protesta e arriti. E para, tregoi se shumica e shqiptarëve janë kundër Edi Ramës, jo se janë me Lulzim Bashën apo Monika Kryemadhit.
Janë kundër Edi Ramës, kundër çmimeve të energjisë elektrike. Shqiptarët kanë të njëjtën rrogë sot por paguajnë më shtrenjtë.
Opozita po të donte, brenda 10 minutave e merrte godinën e Kryeministrisë dhe ia hidhte surratit Edi Ramës.
Ajo tha se kryeministri Edi Rama është në hall dhe se do të jetojë si ish-presidenti palestinez, i ndjeri Jaser Arafat.
Kryemadhi: Rama është frikacak. Ai iku. Më gjej një rast.
Në çdo protestë, qoftë kur ka qenë Berisha kryeministër, qoftë Ilir Meta, qoftë Pandeli Majko, qoftë Bashkim Fino.
Kush ka ikur nga Kryeministria ka dhënë dorëheqjen. Këtu pa bazuka iku, imagjino me bazuka.
Të jeni të bindur që Edi Rama do të jetojë si Arafati tani. Dy ditë nuk do të rrijë në një vend.
As shoferi i tij nuk do ta dijë ku do të ndodhet.
