Presidenti i Shteteve të Bashkuara, Barack Obama, dhe lideri i Filipineve, Rodrigo Duterte, kanë pasur një takim të shkurtër ballë për ballë, vetëm pak ditë pas një zënke shumë publike.
Të martën, Obama anuloi bisedimet e planifikuara me Duterten pasi që ky i fundit e kishte quajtur “bir bushtre”, përcjell Express.
Takimi i djeshëm mes tyre u mbajt para një gala mbrëmjeje në samitin e Shoqatës së Kombeve të Azisë Juglindore.
Gjersa një zëdhënës filipinas tha se ai ishte shumë i lumtur që takimi ndodhi, pala amerikane tha se dy liderët kishin një diskutim të shkurtër dhe një hapësirë pritëse për liderë para gala darkës.
Më pas, Obama dhe Duterte janë futur në gala darkë ndarazi dhe nuk janë takuar gjatë kësaj ngjarje që zgjati 20 minuta, citohet “Gazeta Express”. (b.an)
