Ish-presidenti Alfred Moisiu ka dalë në një deklaratë për mediat sa u përket zgjedhjeve të 30 Qershorit dhe situatës politike në vend.
Në një takim me përfaqësues të media, shoqërinë civile dhe biznesin, Moisiu bëri thirrje për një pakt kombëtar në emër të integrimit, raporton JavaNews.al
“Do të kërkoja nga palët politike një pakt kombëtar për integrimin. Kriza politike po cenon imazhin e Shqipërisë.
Ndryshimet kushtetuese të vitit 2008 sollën pasojat negative në sistemin tonë përfaqësues ndaj duhet korrigjimi i tyre. Partitë të shmangin retorikën përçarëse.
Institucioneve që garantojnë kushtetueshmërinë t’u jepen më tepër kompetenca” – tha ish-presidenti ndër të tjera.
Ai u shpreh se forcat politike kryesore duhet të kthehen në dialog me qëllim që të përmirësohet kuadri ligjor, përfshirë edhe Kushtetutën e Republikës së Shqipërisëm, shkruan JavaNews.al
Moisiu kërkoi ndëshkimin e elementëve të përfshirë në trafikun e votës.
Ish-presidenti propozoi sot një komision të përbashkët me intelektualë dhe njerëz me integritet që do të propozojnë ndryshimet kushtetuese.
7 propozimet e ish-presidentit Alfred Moisiu:
1.Mbrojtjen e integritetit të institucionit të zgjedhjeve.
2.Pranimin e faktit se ndryshimet kushtetuese të 2008 prishën ekuilibrat e sollën pasoja negativepër vedin
3.Ndryshimin e procesit zgjedhor, dhe zgjedhjen e Presidentin nga populli
4.Forcimin e kompetencave qe garantojnë kushtetuetshmëri duke hequr dore nga pritshmëria që krizat të zgjidhen me ndërhyrje nga jashtë
5.Në funksion të rritjes së besimit te procesi zgjedhor forcat politike të rikthehen në dialog institucional:
a- Garantimin e zgjedhjeve të lira e të ndershme
b- KQZ e organet vartëse të respektojnë kërkesën ligjore, numëruesit të mos jenë përfaqësues apo militant për të shmangur cdo përplasje
c- Të hetohen individët e përfshirë në trafikun e votës e të forcohet legji
d- Rregulla strikte për financimin e partive
e- Të forcohen masat ndëshkimore për standardet etike të sjelljes në Kuvend
6.Kuvendi e shoqëria civile të zgjedhin një Komision të Posaçëm për ndryshime përkatëse kushtetuese e ligjore.
7.Pakt kombëtar ku të përcaktohet niveli kur do të lejohen ndryshime në administratë në rast ndryshimesh të pushtetit.
/JavaNews/a.rada
