Përfaqësuesja e lartë e BE-së Federica Mogherini aktualisht ndodhet në kryesinë e kuvendit në një takim me Ilir Metën, teksa lideri i opozitës Lulzim Basha ka lëvizur nga çadra e protestës pak metra më tutje, në hotel Rogner, për të pritur takimin me Mogherinin.
Pak minuta më parë Mogherini dha një mesazh të fortë për opozitën duke thënë se ashtu si në një ndeshje futbolli, loja zhvillohet brenda fushës dhe jo jashtë saj.
Vizita e Federica Mogherinit vjen në një kohë kur pozicioni i palëve politike në lidhje me vettingun është kthyer në një betejë nervash dhe kushtesh./a.k
