Shefja e Politikës së Jashtme të BE, Mogherini dhe komisioneri për Zgjerimin, Hahn, kanë dalë pasditen e së mërkurës në një deklaratë për shtyp sa i përket zhvillimeve politike në Shqipëri.
Dy përfaqësuesit e lartë të Bashkimit Evropian theksojnë se debati politik duhet të zhvillohet në Parlament, sipas praktikave demokratike.
Në deklaratë ata janë ndalur edhe në reformën e Drejtësisë. Nisur nga deklaratat e ashpra të Lulzim Bashës ditën e sotme, dy zyrtarët e BE-së thanë se “reforma në Drejtësi u sulmua sërish”.ëmton Shqipërinë tani dhe në të ardhmen”.
DEKLARATA:
“Na vjen keq bojkotin parlamentar në Shqipëri dhe që opozita nuk është regjistruar ende për të marrë pjesë në zgjedhje. Debati politik nuk duhet të bëhet jashtë, por brenda parlamentit, sipas praktikës demokratike. Qytetarët meritojnë udhëheqjen përgjegjës.
Ne i bëjmë edhe një herë thirrje të gjithë liderëve politikë që të veprojnë me përgjegjësi, me respekt për institucionet, dhe të hapin rrugën për zgjedhje demokratike, në përputhje me standardet ndërkombëtare. Më konkretisht, reforma shumë e nevojshme e drejtësisë në Shqipëri, është edhe një herë nën sulm.
Ne u bëjmë thirrje të gjitha palëve për të përfunduar formimin e institucioneve të verifikimit.
Ata që sulmojnë reformën gjyqësore, në vend që të sigurojnë zbatimin e verifikimit, me monitorimin e ngushtë të Operacionit Monitorues Ndërkombëtar, dëmtojnë të ardhmen e Shqipërisë. Ne presim që anëtarët e Parlamentit do të tregojnë përgjegjësi, zotësinë për të vepruar brenda kornizës demokratike legjitime institucionale, dhe se ata do të qëndrojnë nga ana e popullit të Shqipërisë, të cilët vazhdojnë të kërkojnë reformën në drejtësi, si një hap vendimtar vendimtar hap për vendin për të hyrë në Bashkimin Evropian”. /b.d
