Mesfushori kroat, Luka Modric ka thënë se Kroacia duhet të ketë kujdes nga Kosova Modric insiston se Kombëtarja e tij do të jap maksimumin ndaj Kosovës dhe shpreson që do të marrin tre pikë.
Ai po ashtu e ka pranuar se duhet të kenë kujdes nga Kosova.“Ne do të japim maksimumin për të arritur një rezultat të mirë, një fitore.
Kosova ka një skuadër të mirë dhe janë të përgatitur shumë mirë, kanë një numër të madh të lojtarëve”, tha fillimisht Modric gjatë konferencës për media.
“Ajo që më ka rënë në sy është se ata luajnë më mirë jashtë se në shtëpi dhe kjo mund të jetë një problem për ne, prandaj duhet të kemi kujdes dhe të japim maksimumin”. Ndeshja ndërmjet Kroacisë dhe Kosovës do të zhvillohet nesër nga ora 20:45 në stadiumin e Maksimirit. (b.an)
