Gulay Bursali ishte një modele e njohur ruse. 20-vjeçarja që më parë dilte në media për trupin e saj joshës teksa reklamonte veshje, sot është bërë lajm sepse ka kryer vetëvrasje duke u hedhur e zhveshur nga dritarja e një banese në Stamboll.
Ngjarja ka ndodhur sipas mediave në tentativë për t’i shpëtuar një përdhunimi.
Me të dashurin e saj, modelja vendosi të marrë një apartament me qira në qytetin turk për të bërë disa pushime.
Papritmas, një agjent i pasurive të patundshme dhe një mik i hynë në shtëpinë e pushimeve ku ajo ishte e vetme për momentin.
Mediat shkruajnë se ajo u rrah keqas nga dy meshkujt, të cilët donin ta përdhunonin.
Vajza, e cila ishte edhe studente në universitet, i kërcënoi se do të hidhej nga dritarja nëse nuk e linin të ikte.
Pasi u përball me vendosmërinë e burrave, u hodh me të vërtetë.
