Kreu i grupit parlamentar të Lëvizjes Socialiste për Integrim, Petrit Vasili ka përdorur një gjuhë mjaft të ashpër ndaj kryeministrit Edi Rama, e shkak për këtë është bërë mënyra flagrante se si një mësuese e lëndës së anglishtes në shkollën “Domë Nikollë Kacorri” në Kamës, është shkarkuar pa të drejtë.
Në një status në rrjetin social Facebook, Vasili përmend rastin e mësueses të përjashtuar pa motivacion nga puna, për të treguar banditizmin e qeverisë – siç ai shprehet.
Kujtojmë se mësuesja Hamide Qamirani denoncoi rastin e saj në emisionin “Stop”, ku pa asnjë motivacion dhe pa mundur të marrë në dorë vendimin e shkarkimit nga puna, vendi i saj i punës ishte zënë nga një mësuese tjetër, edhe pse vendi nuk ishte shpallur vakant për konkurrim. Arsimtarja ka mundur të sigurojë një dokument nga kompjuteri i drejtorit, ku përbri të gjithë mësuesve është shënuar edhe “orientimi politik”, LSI.
“A ka turp ky shkollëpaku?
Kryeministri shkollëhiç na çau dërrasat përditë, që medemek ai respekton rregullat, ligjet edhe për preshin, lakrën dhe sallatën etj etj.
Po mësuesen në Kamëz, Hamide Qemirani, banditizmi i qeverisë e zbon nga puna, me çfarë rregulla a ligje e heq ky kryeministër?
Jo mor jo, ky shkollëhiçi ka në kokë vetëm ligjin e Agjitacion dhe propagandes dhe te Internim dëbimeve, s’ka ky asnjë lidhje as me demokracinë e as me pluralizmin.
Këtë nuk e zë gjumi vetëm që të lulezojnë kanabisi dhe koncesionet, se shteti ligjor na la shëndenë.
Shteti ligjor s’ka hiç të bëjë me poturet e këtij, që kutërbojne nga kanabisi.
Mësuesja Hatixhe dënohet pa ligj nga kanabisti në krye të qeverisë. Ky është morali i histerive mediatike të shtetit që ka rënë”, shkruan Vasili.
ma.me
