Ministria e Mbrojtjes ka reaguar pas lajmit të policisë së Tiranës se një nënoficer në repartin e Zallherrit ishte mes 6 të arrestuarve për trafik droge në kryeqytet.
Ministria sqaron se Fatmr Haka nuk është më nënoficer në këtë repart.
Sipas njoftimit zyrtar të Ministrisë së drejtuar nga Mimi Kodheli, ai është larguar nga Forcat e Armatosura me një urdhër të datës 26 qershor të vitit 2012.
Një informacion ky që i ka shpëtuar Policisë së Tiranës, e cila në njoftimin e saj zyrtar, tha se 33-vjeçari i arrestuar është nënoficer në Zall-Herr.
