Mjeku Dalip Gjoka me kërkesën e tij publikisht për t’u martuar me këngëtaren Bleona Qereti, shokoi opinionin publik si dhe familjarët e tij. Njëra nga vajzat, Elda Gjoka, e cila merret me sport, ka reaguar nëpërmjet “Facebookut” me një status të shkurtër rreth situatës së krijuar prej babait të saj.
“Veprimet që bën, të përcaktojnë ku të takon të jesh. Sa për etikën e profesionalizmin në gazetari të gazetares, dhe integritetin redaksional të medias, është mesele më vete. Duke përtypur realitetin… Ju them që: “Na e bëni hallall po nuk ju ftuan në dasmë”.
Ndërkohë, në një status të dytë ditën e sotme ajo shkruan se të përcaktosh nëse babai ka dinjitet pas atyre që kanë dalë në gazetë është përgjegjësi njerëzore. “Nga eksperienca e pamohueshme e situatës, nevojitet të kuptohet që ka njerëz të përgjegjshëm të cilët po përmbajnë vetën mes të drejtës legjitime të individit për të qenë i lirë të mendojë dhe veprojë si qenie njerëzore, dhe përgjegjësisë njerëzore për të kuptuar ku shëndeti mendor është cenuar rëndë dhe të arsyeshmit të bëjnë atë që duhet për të mos degraduar më tej. Përtej estradës, duhet kuptuar realisht çështja ku jemi. Të vendosësh nëse ka mbetur ndonjë grimasë dinjiteti babait, apo çdo gjë është humbur para se të dilte në gazetë, qenka një përgjegjësi mbi të gjitha njerëzore. Kjo është një situatë jete. Nuk është askush imun në të ardhmen. Nuk mund të bëjmë sikur problemi nuk ekziston; por parakusht kemi që të udhëhiqemi nga arsyeja… Të kesh tagrin e mençurisë është detyrë ta përligjësh që e ke. Në të kundërt veprimet do të flasin…”,shkruan Elda Gjoka.
