Vdekja e mjekut ekzaminues nga koronavirusi në Tajlandë ka rritur dyshimet se koronavirusi transmetohet nga një trup i vdekur.
Sipas një raporti, ai ishte i pari person që u infektua nga një viktimë që kishte ndërruar jetë nga Covid-19.
Letra e publikuar më 20 mars në “Journal of Forensic and Legal Medicine” tregon me detaje se si specialisti që punonte në Bangkok dhe një asistente infermiere ishin të vetmit nga ekipi mjekësor që rezultuan pozitiv me koronavirus.
Won Sriwijitalai nga qendra mjekësore e Bangkokut dhe Viroj Wiwanitkit nga Universiteti Patil hodhën poshtë letrën duke thënë se është e paqartë se si u infektuan.
Megjithatë, shkencëtarët thonë se ka një shans të vogël që mjeku ekzaminues të ketë patur kontakt me një person të infektuar që ishte gjallë. Letra shtonte se të dy profesionistët mjekësorë mund të kenë patur kontakt me kampione biologjikë dhe kufoma.
“Për momentin, nuk ka të dhëna për numrin e saktë të kufomave të kontaminuara COVID-19 sepse ato nuk kontrollohen në mënyrë rutinore. Sidoqoftë, kontrolli i infeksionit dhe masat paraprake janë të domosdoshme. Profesionistët duhet të mbajnë veshjet mbrojtëse, dorëza, syze, kapele dhe maskë”, thonë shkencëtarët, raporton noa.al duke cituar Newsweek.
Por, ata theksojnë se në dijeninë e tyre, vdekja e shkencëtarit nga një trup i vdekur me koronavirus është rasti i parë në botë.
