Organizata joqeveritare Mjekët pa Kufij (MSF) njoftoi sot se nuk do të pranonte më fonde të BE-së dhe të shteteve të saj anëtare në formë proteste kundër politikës migratore duke i orientuar njerëzit dhe vuajtjet e tyre larg brigjeve evropiane.
“Ky vendim hyn në fuqi menjëherë dhe do të zbatohet për të gjitha projektet e MSF-së në mbarë botën”, bëhet e ditur nga organizata gjatë një konference shtypi në Bruksel.
MSF-ja dënon veçanërisht marrëveshjen e nënshkruar në muajin mars mes BE-së dhe Ankarasë, që parashikon kthimin e të gjithë kontigjentit të ri migrator që mbërrin në brigjet greke nga Turqia drejt kësaj së fundit, duke përfshirë azilkërkuesit.
Kombinuar me mbylljen e rrugës migratore të Ballkanit, ky pakt i kontestuar pati një ndikim të dukshëm në uljen e konsiderueshme të migrantëve në brigjet greke prej fundit të muajit mars./a.m.
