Janë shpallur këtë të enjte datat e testimit elektronik për degën Mjekësi e Përgjithshme.
Në total 2500 kandidatë do të konkurrojnë për 400 vende të lira, që presin të plotësohet me studentët për vitin e ri akademik.
Provimet do të zhvillohen pranë Qendrës së Shërbimeve Arsimore nga data 14 deri më 23 gusht.
Ky është viti i dytë që zhvillohet konkursi elektronik, ndërkohë që ende nuk është zgjidhur çështja e tarifës dhe kushtit për të punuar 5 vjet në atdhe pas studimeve.
Kuvendi mbylli punimet pa dhënë një vendim për çështjen e studentëve të Mjekësisë, e kthyer nga Gjykata Kushtetuese për rishikim të disa neneve të ligjit.
