Përpara se të vendosni enën plastike në mikrovalë ju mund t’i hidhni një sy këtij artikulli. Një studim bën lidhjen midis plastikës dhe kimikateve që gjenden në to dhe diabetit dhe presionit të lartë të gjakut. Disa ekspertë ofrojnë këshilla për të zvogëluar rrezikun kur vendosni enë plastike ne mikrovalë dhe larëse enësh.
Në një studim të publikuar në revistën mjekësore të hipertensionit i kryer nga NYU Langone Medical Center, dy janë zëvendësuesit kimikë që përdoren në vend të një kimikati të quajtur DEPH që përdoret për të mbyllur enët plastike, sapunë dhe enë të ushqimit të përpunuara kanë lidhje me rritjen e rrezikut të presionit të gjakut dhe diabetit tek fëmijët. Të dyja këto komponime janë të njohura si “phthalates” një klasë kimike dhe nga studimi del se duhet të jemi të vetëdijshëm se çfarë materiali është plastika që vendosim në mikrovalë.
“FDA rregullon kontaktin e plastikës me ushqimin dhe mesazhi i rëndësishëm që merret në shtëpi është për të lexuar etiketën qe ndodhet mbi paketë ose mbi enë”, thotë DR.Natalie Azar, NBC News Medical.
Nëse aty thuhet mikrovalë e sigurtë atëherë është mikrovalë e sigurtë. Nëse përmban tre numrat e riciklimit 3, 6 dhe 7 atëherë ju e dini se këto janë bërë vërtetë me këto kimikate.
Këto materiale mos i vendosni as në mikrovalë as në larësen e enëve, por lajini me dorë.
Kërkuesit analizuan të dhëna nga një anketë e shëndetit dhe të ushqyerit të provimit të 356 fëmijëve të moshës 12-19 vjeç, i marrë në mes të 2008-s dhe 2012-s për nivelet urinare. Por Azar thotë se nuk u gjet një lidhje direkte midis enëve dhe problemeve mjekësore tek fëmijët. Zgjidhjen mund t’a gjeni tek enët e qelqit. Kështu shprehet Azar. Por gjithsesi kjo nuk do të thotë të ndalojmë në mënyrë kategorike çdo enë plastike në kuzhinat tona.
