Vritet një prej udhëheqësve kryesorë të faktorit serb në Kosovë, Oliver Ivanoviç.
Lideri i iniciativës qytetare “Liria, Demokracia, Drejtësia” [SDP] në Kosovë, Oliver Ivanoviç, është sulmuar mëngjesin e së martës me armë zjarri.
Lajmin e ka konfirmuar Ksenija Bozhoviç nga SDP. Sipas saj, sulmi ka ndodhur para zyrës së zotit Ivanoviç.
Policia e Kosovës ende nuk ka dhënë ndonjë njoftim zyrtar rreth kësaj ngjarjeje.
Gazeta Metro njofton se Oliver Ivanoviç, i dyshuar dhe gjykuar për disa krime në veri të Mitrovicës, është vrarë para pak minutash në pjesën e Mitrovicës ku jetonte.
Ai ka marrë 4 plumba në një atentat të organizuar, ndërkaq ka ndërruar jetë pas disa minutash në spitalin e Mitrovicës në veri./a.m.
