Studentja 26-vjeçare kineze Yingying Zhang u zhduk më 9 qershor. Ajo u pa për herë të fundit në një video survejimi tek hyn në një makinë të zezë në Urbana, të shtetit Illinois. Miqtë e saj thanë se ajo kishte dalë për të nënshkruar një kontratë qiraje. Policia e quajti rastin një rrëmbim por nuk ka përjashtuar asnjë mundësi.
Zhang kishte vetëm një javë që kishte filluar në programin e saj një vjeçar në Universitetin e Illinois. Familja e saj udhëtoi në universitet nga Kina për t’u bashkuar me përpjekjet për gjetjen e saj.
FBI ofroi një shpërblim prej 10,000 dollarë për informacionin që ndihmon në gjetjen e saj. Një shpërblim i veçantë prej $ 40,000 është ofruar nga shkolla dhe grupet lokale. /VOA
