Mëngjesin e të premtes, rreth orës 07:00, në vendin e quajtur “Mbikalimi i Patokut”, Kurbin është gjetur një grua e pajetë.
Policia tha se trupi është gjetur në hapësirën ndërmjet trafikndarësve. Gruaja, ende e paidentifikuar, dyshohet të jetë aksidentuar nga mjetet në lëvizje në këtë aks rrugor.
Dyshohet se pas aksidentit, drejtuesi i mjetit është larguar nga vendngjarja. Mendohet se viktima është përpjekur të kalojë rrugën nga njëri krah në tjetrin, kur ka ndodhur aksidenti.
Grupi hetimor në vendngjarje, vijon punën hetimore për identifikimin e shtetases se aksidentuar, kapjen e drejtuesit së bashku me mjetin si dhe zbardhjen e plotë të rrethanave të aksidentit.
/f.s
