Misioni i Eurlaius ka përshëndetur miratimin e ligjit të Vetingut nga parlamenti shqiptar ditën e djeshme. Në një deklaratë Euralius thekson se mirëpresim miratimin e ligjit, i cili është shumë i rëndësishëm për zbatimin e ndryshimeve kushtetuese që kaluan në 22 Korrik më 140 vota.
“Me zbatimin e ligjit do të bëhet vlerësimi i gjyqtarëve, prokurorëve, anëtarëve të Gjykatës Kushtetuese, Gjykatës së Lartë, këshilltarë ligjorë në Gjykatën Kushtetuese dhe të Lartë, asistentë ligjorë në gjykatat administrative dhe asistentë ligjore në Prokurorinë e Përgjithshme. Procesi i vlerësimit do të bazohet në kontrollin e pasurisë dhe lidhjet e prokurorëve dhe gjyqtarëve. Ky ligj i hap rrugë rritjes së besimit të qytetarëve te gjyqësori”, thuhet në reagimin e Euralius.
ma.me
