Tifozët e Manchester United që kanë udhëtuar drejt Danimarkës për të ndjekur ndeshjen me Midtylland në Europa League mund të braktisin takimin në shenjë proteste ndaj trefishimit të çmimit.
Klubi vendas ka vendosur çmimin 71 sterlina për tifozët anglezë, ndërkohë që kur Southampton luajti atje në gusht për të njëjtin kompeticion çmimi ishte 22 sterlina.
Disa tifozë e kanë pranuar çmimin, duke blerë biletat, ndërsa të tjerët e kanë ngritur zërin, duke e cilësuar si të pandershme.
Tifozët e “Djajve të kuq” kanë nxjerrë një banderolë ku shkruhet “Mirësevini në SCAMdinavi”, duke deformuar emrin e gadishullit skandinav me fjalën angleze “scam”, e cila do të thotë mashtrim.
