Një i kërkuar për tentativë vrasje në Mirditë ka qëlluar mbi policinë mesditën e kësaj të diele. Amarildo Ndoj, 25 vjeç, banues në Rrëshen – Mirditë ndiqej nga policia pasi rezulton i dënuar me 8 vite burg për tentativë vrasje. Në momentin kur policia ka tentuar ta prangosë atë, ai ka qëlluar me armë zjarri në drejtim të uniformave blu.
Njoftimi i policisë
Me datë 26.11.2016, u referuan materialet hetimore në Prokurorinë e Rrethit Gjyqësor Lezhë, u bë shpallja në kerkim si dhe vazhdon puna për kapjen e shtetasit
Amarildo Ndoj, 25 vjeç, banues në Rrëshen – Mirditë.
Ky shtetas është në kërkim pasi është i dënuar me 8 vite burgim për veprat penale “Vrasje e mbetur në tentativë” “Prodhim dhe mbajtje pa leje të armëve luftarake” dhe në vazhdim të punës për kapjen dhe vendosjen para përgjegjësisë penale të tij, nga efektivët e policisë Mirditë, është bërë i mundur lokalizimi i tij në vendin e quajtur Kodër – Rrëshen.
Në momentin e afrimit të punonjësve të policisë, shtetasi Amarildo Ndoj, ka kanosur me armë zjarri pistoletë punonjësit e policisë duke qëlluar në ajër si dhe ka arritur të largohet duke përfituar nga errësira dhe terreni malor.
Në vendngjarje u gjet dhe sekuestrua një armë zjarri pistoletë e cila dyshohet se është përdorur nga autori si dhe një gëzhojë.
Veprat penale në ngarkim të tij , “Kanosja ” “Prodhim dhe mbajtje pa leje e armëve luftarake dhe municionit” ” Kanosja për shkak të detyres” parashikuar nga nenet 84, 278 dhe 238 të Kodit Penal.
shqiptarja.com/d.i.
