Kuvendi i Shqipërisë ka miratuar me 82 vota pro dhe 24 kundër projektligjin e qeverisë për hapjen e dosjeve. Ndërkohë me 78 vota kundër dhe 27 pro, Kuvendi vendosi të rrëzojë ligjin e propozuar nga Mesila Doda dhe Shpëtim Idrizi të hartuar nga Shoqëria Civile.
Gjatë seancës ky projektligj u shoqërua me debate të shumta ndërmjet mazhorancës dhe opozitës, ku PD akuzonte qeverinë se po kërkon të mbrojë xhelatët e regjimit, ndërsa nga ana e saj mazhoranca e ka argumentuar këtë si një transparencë mbi krimet e komunizmit.
Në këtë mënyrë, qeveria i hap rrugë ligjit të lustracionit, për hapjen e dosjeve të ish-regjimit komunist.
Ky proces mjaft i debatuar ndër vite synon të bëjë tashmë transparencë për persekutimet dhe vrasjet e regjimit, duke marrë siç është bërë publike asistencën dhe mbështetjen e eksperiencës gjermane.
Redaksia Online
