Bashkia e Vlorës do të ngrejë një strukturë përfaqësuese e personaliteteve publike e cila do të quhet “Miqtë e Vlorës”.
Kryetari i bashkisë së Vlorës në një postim në facebook ka njoftuar se në përbërje të kësaj strukture do të jenë, qytetarëve të shquar, figura të njohura vendase dhe nga diaspora, që kanë kontribuar ose kanë lidhje me qytetin e Vlorës.
Dredha shkruan se “Miqtë e Vlorës” do të ndihmojnë për të nxitur ide të reja zhvillimi dhe për të ndërtuar ura bashkëpunimi ne fusha prioritare midis qeverisjes, biznesit, dhe shoqërisë civile.
“Miqtë që kanë përparësi të mirat e qytetit, janë të mirëpritur, që të gjithë bashkë, të bëjmë më të mirën”, thotë ndër të tjera në mesazhin e tij kryetari i bashkisë së Vlorës Ermal Dredha.
