Kombëtarja shqiptare ka fituar mbrëmjen e së martës ndaj Luksemburgut me rezultatin 2-0. Ndeshja u zhvillua në kuadër të miqësoreve të muajit mars si fazë përgatitore për finalet e Europianit që do të nisin në qershor. Kjo fitore vjen pas humbjes ndaj Austrisë me rezultatin 2-1.
Pjesa pare
Është mbyllur në barazim të bardhë 0-0 pjesa e parë e ndeshjes miqësore midis Luksemburgut dhe Shqipërisë. Kombëtarja kuq e zi nuk ka arritur më shumë se barazimi në 45-minutat e para, pavarësisht lojës më të mirë se kundërshtari.
Ndërkohë momentin më të rrezikshëm kombëtarja kuq e zi e pati në minutën e fundit të pjesë së parë, ku Cikalleshi ishte i vetëm përballë portierit luksemburgas i cili mundi ta ndalë vetëm duke e penguar.
Kjo i kushtoi portierit vendas kartonin e kuq, por rezultati nuk ndryshoi nga goditja e dënimit.
Vlen të theksohet se De Biasi ka hedhur një formacion ndryshe nga ndeshja me Austrinë ku u mundëm me rezultatin 2-1.