Janë mbyllur 45- minutat e para të ndeshjes së Ligës së Kombeve mes Izraelit dhe Shqipërisë.
Një pjesë e parë e barabartë për të dyja përfaqësueset që krijuan rastet respektive për të kaluar në epërsi.
Gjithashtu, edhe Izraeli pati disa raste të pastra shënimi, që fatmirsisht nuk u konkretizuan në mënyrën e duhur.
Në këtë takim kuqezinjve iu duhen me patjetër tre pikët për të shpresuar tek vendi i parë.
LIVE IZRAEL-SHQIPËRI 0-0
MINUTË PAS MINUTE
45’+2’ Mbyllet pa gola pjesa e parë e sfidës.
45’+1’ Edhe kapiteni Hysaj ndëshkohet me karton të verdhë.
45’ Jepet 1 minutë shtesë.
45’ Ajeti është i ndëshkuari i parë me karton të verdhë pas një faulli ndaj Hazisa.
44’ Broja i afrohet golit, por nuk ia del që të kalojë Glezër por gjen përgjigjen e këtij të fundit,
40’ Dasha merr një pasim të artë nga e majta dhe gjuan me kokë nga e djathta, por gjen në rrugën e tij Strakoshën i cili mbërthen topin.
38’ Drithërima në portën e Strakoshës. Dasha nga e djathta harkon në zonë ku tre lojtarë izraelitë radhazi nuk gjejnë devijimin në rrjetë.
37’ Hazisa nga e djathta tenton përsëri portën tonë, një tjetër devijim bën të thjeshtë çdo gjë për Strakoshën.
35’ Vendasit mbajnë më shumë topin në kërkim të golit, teksa kuqezinjtë janë të përqendruar që të nisin me top të gjatë sa më shpejt Brojën.
32’ Shqipëria është me fat në këto momente. Abada i del topi pas një përplasje dhe tenton portën nga pozicion i favorshëm për fat pa shënjestrën e duhur.
28’ Haziza mundohet të fitojë penallti pas një kontakti me Laçin në zonë, gjyqtari nuk gënjehet e bën shenjë që loja të vazhdojë.
26’ Të dy skuadrat po luajnë me top në thellësi për të gjetur hapësira para portave, por për momentin pa ditur të gjuajnë në katërkëndor.
23’ Goditje dënimi nga një pozicion i rrezikshëm për skuadrën vendase në të djathtën, Kanishovski gabon gjithçka duke goditur direkt e jashtë.
20’ Dasha mundohet të befasojë Strakoshën me një gjuajtje nga rreth 35 metra, topi fluturon rrezikshëm mbi traversën e portës kuqezi.
16’ Cikalleshi mundohet të hyjë në zonë nga e djathta dhe tenton me të majtën, sfera fluturon shumë lart mbi traversën e portës vendase.
15’ Harkim i rrezikshëm nga e djathta i Vaisman, Strakosha del i qetë dhe mbërthen topin.
11’ Harkim nga e majta i Hysajt i cili mundohet të gjejë Brojën në qendër, mbrojta vendase largon me vështirësi.
10’ Goditje dënimi e rrezikshme pranë zonës kuqezi, mbrojtja kontrollon zonën para Strakoshës duke mos lejuar rreziqe.
6’ Çfarë ka humbur Broja! Sulmuesi i vjedh topin mbrojtësve dhe del i vetëm para portierit, por çon topin në duart e këtij të fundit.
5’ Dy goditje këndi radhazi nuk sjellin rrezik në portën e vendasve. Ndërkohë, miqtë me një kundërzbritje të shpejtë tentojnë portën e Strakoshës, por devijimi i Ismajlit bën të lehtë topin për gardianin.
2’ Menjëherë rrezik në portën kuqezi me një goditje këndi që grushtohet me vështirësi nga Strakosha.
1’ Nis dueli me shkelmimin nga qendra të miqve.
FORMACIONET ZYRTARE:
IZRAEL (4-3-3): Glazer, Dasa, Miguel Vitor, Goldberg, Leidner, Koniçovski, Lavi, Karzev, Haziza, Abada, Veisman.
SHQIPËRIA: (4-3-1-2): Strakosha; Balliu, Ismjali, Ajeti, Hysaj; Gjasula, Laçi, Abrashi; Asllani; Broja, Cikalleshi./m.j
