Policia italiane ka finalizuar një operacion në kuadër të të cilit u arrestuan 5 persona për shfrytëzim prostitucioni. Ata janë arrestuar në Napoli ku shfrytëzonin për prostitucion vajza rumune dhe shqiptare, midis tyre edhe minorene.
Në pranga ranë shtetasit Artan Zeqja, Fatjon Dedja, Shkumbin Muça, Aqif Hasko, Osman Hasko (at e bir).
Këta shtetas u arrestuan një ditë më parë pas një hetimi të zhvilluar prej kohësh ndërsa hetimet zbuluan se shqiptarët i kishin siguruar vajzave edhe disa dokumente false.
Një prej vajzave të shfrytëzuara është e fejuara e të arrestuarit Osman Hasko. Ky i fundit kishte nxjerrë vajzën në rrugë për të prostituuar në bashkëpunim edhe me babain e tij Aqif Hasko edhe ky i arrestuar. Policia ka zbardhue dhe disa përgjime të kryera.
Vajza e shfrytëzuar, në një rpej telefonatave me vjehrrin i thotë atij “se do shkonte në polici nëse djali i tij nuk e telefononte”.
Por, gjithsesi ajo në dëshmi thotë se nuk ndihej e burgosur nga grupi por punonte me dëshirë./a.m.
