I dërguari i posaçëm dhe koordinatori i Qendrës për Angazhim Global të Departamentit Amerikan të Shtetit, James Rubin fillon sot turin në Mal të Zi, Maqedoninë e Veriut dhe Shqipëri për të diskutuar mbi luftën kundër dezinformatave ruse dhe për dialogun ndërmjet Beogradit dhe Prishtinës.
Rubin do të vizitojë Podgoricën, Shkupin dhe Tiranën nga sot deri më 14 prill, njoftoi të shtunën Departamenti i Shtetit, shkruan N1.
Rubin u shpreh para mbërritjes së tij se ka një problem të dezinformimit rus në Ballkanin Perëndimor; në Mal të Zi, Maqedoninë e Veriut dhe në të gjithë rajonin.
“Dua të punoj me qeveri që duan të jenë pjesë e sistemit evropian dhe ku respektohen parimet evropiane. Ne duam të përpiqemi të bëjmë gjithçka për të eliminuar ndotjen e mjedisit mediatik”, theksoi ai.
/s.f
