Ministrja e Mbrojtjes, Olta Xhaçka njofton se Policia Ushtarake dhe Forcat Detare kanë zhvilluar një stërvitje të përbashkët, për të testuar ndërveprimet mes tyre, në kuadër të zbatimit të ligjshmërisë në det dhe mbështetjes në tokë.
Duke publikuar dhe një video, ministrja Xhaçka thekson se kjo stërvitje zhvillohej për herë të parë.
“Për herë të parë Policia Ushtarake zhvilloi stërvitje të përbashkët me grupin e bordingut të Forcës Detare me qëllim ndërveprimin në operacionet komplekse që mund të zhvillohen në det e në tokë”-, thekson Xhaçka.
