Pas një pune disa mujore, juria shpalli këtë janar fituesit e çmimeve për romanin më të mirë, përmbledhjen me tregime, vëllimin poetik, veprën më të mirë eseistike, krijimtarinë letrare për fëmijë e të rinj dhe përkthimin nga gjuha e huaj.
Në një lidhje me ‘Skype’ për emisionint ‘Java në RTSH”, ministrja e Kulturës, Elva Margariti, tha se evente të tilla përveç rëndësisë që kanë, do të shërbejnë si satelitë pranë ministrisë.
Ajo u shpreh se nisma u iniciua nga paraardhësja e saj në detyrë, Mirela Kumbaro, dhe u përmbush falë angazhimit në vijim të ministrisë dhe bashkëpunëtorëve.
Duke komentuar gjendjen e bibliotekave, Margariti shtoi se ende nuk ka një fond për të përmbushur plotësisht kërkesat e të gjitha bibliotekave në vend.
Por sipas ministrës, bashkëpunimet e frytshme kanë nisur prej kohësh. Ajo u ndal tek kontributi që po jep Ministri për Diasporën dhe pushteti vendos në bashki të ndryshme.
“Ka nevojë që të rishikohen marrëveshjet për pasurimin e bibliotekave” – tha ministrja në studion e emisionit “Java në RTSH”.
