Ministrja e Drejtësisë, Etlinda Gjonaj, ka zbritur në terren për të par nga afër situatën kaotike të krijuar nga reshjet e dendura të shiut, të cilat vijojnë prej dy ditësh pa ndërprerje. Në një lidhje telefonike për Report Tv, ministrja Gjonaj tha nga Fushë-Kruja se situata në burgje është në gjendje të mirë.
Sipas saj, janë marrë të gjitha masat për mbrojtjen e të dënuarve nga përmbytjet në të gjithë vendin.
“Janë marrë masa për përballimin e situatës emergjente. Erdha në Fushë-Krujë për të parë si janë marrë masat dhe si po zbatohen”, tha Gjonaj.
Cilat janë masat konkrete dhe a është situata nën kontroll?
Padyshim, pas informacioneve për reshjet kemi marrë masat së bashku me Drejtorinë e Përgjithshme të Burgjeve, është ngritur një shtab në këtë drejtori, si dhe është përgatiti një plan masash për të gjitha institucionet. Mjetet janë në gatishmëri, ushqime, pajisja me mjete. Në Fushë Krujë situata është në gjendje të mirë, s’ka asnjë lloj përmbytje në asnjë lloj aspekti dhe për më tepër sa i përket jetës së të dënuarve.
http://shqiptarja.com/aktualitet/2731/ministrja-gjonaj-ne-burgun-e-fushe-krujeskemi-marre-masa-456499.html
