Ministria për Evropën dhe Punët e Jashtme ka sqaruar deklaratën e ministres së Punëve të Jashtme të Ekuadorit, Gabriela Sommerfeld.
Kjo e fundit tha në OKB se “se Presidenti Noboa e shpalli Ekuadorin një “konflikt të armatosur jo-ndërkombëtar” në fillim të vitit 2024, me qëllim frenimin e përshkallëzimit të paparë të dhunës së lidhur me krimin e organizuar. Ky vendim çoi në klasifikimin e bandave kriminale si grupe terroriste, duke përfshirë organizatat e lidhura me kartelet meksikane Sinaloa dhe Jalisco Nueva Generación”.
Mirëpo për disa media në Shqipëri kjo deklaratë ka lidhje me shtetas nga vendi ynë.
Në një reagim zyrtar, MEPJ thekson se:
“Ministria për Evropën dhe Punët e Jashtme ka ndjekur keqinformimin e disa mediave online gjatë ditës së sotme, mbi faktin plotësisht të pavërtetë të përmendjes së Shqipërisë apo shqiptarëve, në fjalën kombëtare të Ekuadorit, nga Ministrja e Jashtme e Ekuadorit, në Asamblenë e Përgjithshme të OKB-së.
Ky është një fakt tërësisht i sajuar, pa asnjë vërtetësi, pasi as Shqipëria dhe as shqiptarët nuk përmenden në këtë fjalim, i cili është publik, i aksesueshëm në faqen zyrtare të OKB-së.
Fjala e ministres mund të lexohet nga çdokush që nuk përpiqet të keqpërdorë këto forume të larta ndërkombëtare duke sajuar fakte të paqëna, për të ulur dinjitetin, reputacionin dhe imazhin që Shqipëria ka ndërtuar me sukses në arenën ndërkombëtare.
Kartelet shqiptare në Amerikën Latine kanë marrë vëmendjen e botës në Organizatën e Kombeve të Bashkuara. Ka qenë Ministrja e Punëve të Jashtme të Ekuadorit, Gabriela Sommerfeld e cila i ka përmendur me emër kartelet shqiptare bashkë me ato meksikane ‘Sinaloa’ dhe ‘Jalisco Nueva Generación’”, thuihet në reagimin e MEPJ.
