Zv.ministrja njëkohësisht ministrja e dekretuar e Arsimit, Sportit dhe Rinisë, Besa Shahini me anë të një deklarate për shtyp ka bërë me dije edhe rubrikën e re të informimit të studentëve: “Unë jam student dhe kam një pyetje”.
“Klikoni tek portali shqipëriaqëduam.al dhe pastaj në ‘unëjamstudentdhekamnjëpyetje’, aty ka persona që do të kthehjnë përgjigje. Edhe në Facebook do të kthejmë përgjigje sa më shpejt të jetë e mundur.”
Më tej, Shahini u shpreh se sot ishte dita e fundit kur punonjësit e dërguar nga MASR ndodhen në sekretaritë e universiteteve.
“Është e rëndësishme dhe i bëj ftesë universiteteve, por edhe studentëve që janë nëpër këto fakultete duke protestuar që të mundësojnë punën e sekretarive dhe të mundësojnë sot pjesëmarrjen e personave nga ministria e Arsimit që të mund t’ju asistojnë ju me pyetjet që ju keni.
Në rastet kur sekretaritë nuk funksionojnë, ne nuk e marrim informacionin e duhur për listat e studentëve që janë përfitues të bursave, që janë përfitues të përjashtimeve nga tarifat dhe kjo e vonon procesin.
Sekretaritë që janë të bllokuara po e pengojnë procesin për të zgjidhur çështjet që janë pa zgjidhur për të përfunduar zbatimi i VKM për tarifat.
Edhe njëherë bëj festë studentët që po bllokojnë sekretaritë të mundësojnë funksionimin e tyre, sepse është e rëndësishme të zbatojmë pjesë të VKM që kanë të bëjnë me tarifat”
a.cupaj
