Ministrja e Drejtësisë Etilda Gjonaj, ka folur përpara familjarëve të viktimave të 21 janarit duke shprehur dhimbjen për 4 jetët e humbura.
Ajo i sigiuroi familjarët se do të bëjë gjithçka për zbulimin e së vërtetës.
“Ju siguroj ju të gjithë njerëzit e këtij vendi se sot nuk është më fjala boshe e foltoreve të Qeverisë, por është misioni i panegociueshëm. Nuk është më një lojë pushteti.
Do të vazhdoj të kërkoj me vendosmëri përfundimin e vrasjes së Aleks Nikës dhe do të kërkojmë rihapjen e procesit gjyqësor.
Pranoni të dashur miq shprehjen e respektit tim më të thellë për fisnikërinë që përballoni dhimbjen”, u shpreh Gjonaj.
Fjala e plotë:
7 vite nga 21 Janari dhe asnjë person nuk është burgosur për 4 personat e vrarë para kryeministrisë. Edhe pse familjarët janë drejtuar Strasburgut janë pranuar se ka pasur probleme gjatë hetimeve, Strasburgu vendosi për dëmshpërblim ndërsa gjyqësori shqiptar ka vendosur të rifilloj.
4 njerëz të zakonshëm protestuan për të drejtat e tyre por u vranë padrejtësisht. Një gjë e vetme peshon sa një gurë i rëndë, të dashur familjar të Hekuran Dedës, Ziver Veizit, Faik, Myrtës, Aleks, Nikës nuk e di si ta lehtësoj këtë dhimbje, por sot largimi i prokurorëve, rithemelimi i institucioneve të drejtësisë do të ndikojë për të zbardhur ngjarjen.
Familjarë të Ziver Veizit, Hekuran dedës, Faik Myrtajt, Aleks Nikës, sot e kësaj dite nuk keni gjetur drejtësi, nuk keni gjetur paqe për shpirtrat e tyre, nuk janë ndëshkuar vrasësit dhe urdhëruesit e tyre. Nuk e di sa e lehtëson këtë peshë fakti që sot ka shumë më tepër shpresë për drejtësi. Reformimi i drejtësisë, largimi i prokurorëve e gjyqtarëve të korruptuar, nuk është më një ëndërr me sy hapur, por një proces i nisur, i pakthyeshëm, i pandashëm.
S’do heshtim në përpjekjen tonë derisa drejtësia të bëjë drejtësi.
Shqipëria sot nuk është e tradhtuar nga ata që e qeverisin. Sot beteja me krimin dhe korrupsionin nuk është një lojë me pushtetin. Do të kërkojmë përfundimin e hetimeve për 4 të vrarët e 21 Janarit.
