Ministrja e Financave dhe Ekonomisë, Anila Denaj, është takuar sot me ambasadoren e SHBA në Tiranë, Yuri Kim. Denaj është shprehur se rrugëtimi Euro-Atlantik i Shqipërisë dhe Reforma në Drejtësi, do të kenë përherë mbështetjen e nevojshme financiare. E po kështu do te jenë në vëmendje të vazhdueshme të Mnistrisë së Financave dhe Ekonomisë.
Denaj dhe Yuri Kim vlerësuan bashkëpunimin ekonomik dhe përmirësimin e klimës së biznesit.
Ministrja Denaj shprehu gatishmërinë e qeverisë shqiptare, për të mirëpritur çdo investitor të ri amerikan që do të zgjedhë Shqipërinë, me bindjen se arsimi profesional në vend dhe komunikimi me sipërmarrësit ofrojnë platformën e duhur për zhvillimin e bizneseve të reja. (Tirana Today)
