Fatura e arbitrazhit për shkeljet kontraktuale të qeverisë shqiptare ndaj kompanive të huaja është zgjeruar në së paku 176 milionë euro. Detyrimin e bën me dije Ministria e Financave dhe Ekonomisë në projekt-buxhetin për vitin e ardhshëm.
Nga totali i borxhit, 65,2 milionë euro janë njohur tashmë si të humbura, ndërsa më shumë se 111 milionë euro vlerësohen si procese gjyqësore gati të pamundura për t’u fituar.
Shumica dërrmuese e humbjeve lidhen me dy procese të vetme gjyqësore, ai i biznesmenit italian, Francesco Becchetti si dhe ajo për kontratën e sipërmarrjes për ndërtimin e autostradës Tiranë-Elbasan nga konsorciumi Copri dhe Actor.
Ministria e Financave dhe Ekonomisë, ndërkohë i rekomandon qeverisë që në vend të përballjes në gjyqet e arbitrazhit, të negociojë me kompanitë e huaja. Shqipëria është paditur të paktën 14 herë në çështje në gjykatat e huaja ndërkombëtare dhe arbitrazhin ndërkombëtar. Nga këto çështje 5 janë humbur, 5 presin gjykimin dhe4 janë fituar.
/a.r
