Ministria e Arsimit dhe Sportit ka organizuar një aktivitet me rastin e festës së 7 Marsit. Në aktivitetin ku ishin ftuar mësuesit e dalluar, merrte pjesë edhe ministrija e Arsimit Lindita Nikolla.
Gjatë fjalës së saj përshëndetëse, ajo theksoi se profesioni i mësuesit bëhet me pasion.
“Gëzuar 7 marsin miqtë e mi. Është një festë e bukur. Nuk di nëse ka një profesion tjetër që festohet, por di që nuk ka profesion më të mirë sesa ky. Faleminderit për gjithçka bëni me vlerën e pasionit të paanë dhe pashoqë. Besoj se jeni ju, këta fëmijë të talentuar që kanë përgatitur këtë mbrëmje kaq të bukur. Për mua jeni arsyet më të mëdha për të punuar dhe folur me rezultate.”, tha Nikolla.
