Zv/ kryeministrja dhe ministri i Shëndetësisë kanë vizituar pacientët e shtruar në spital me simtomat e helmimit gjatë mitingut të Partisë Demokratike mbrëmjen e së shtunës 27 maj 2017.
Ministri Arben Beqiri tha për Ora News se pacientët erdhën nga një situatë e rëndë por gjendja e tyre aktualisht është mjaft e mirë. Sipas këtij institucioni janë paraqitur 140 raste në spital, ku mes tyre 14 janë shtruar. Mjekët pas konsultave u kanë dhënë 10 ditë mjekim por pa përcaktuar qartë diagnozën.
Dosja ne prokurori- Materialet që kanë mbërritur në prokurori janë dëshmitë e personave të helmuar, pamje filmike dhe kërkesa për kryerjen e aktit të ekspertizës radioaktive. Burime nga policia bëjnë me dije se mund të eksperimentohet me qen rruge për të parë efektin e rrezatimit të prozhektorëve. Pas çeljes së fushatës elektorale nga demokratët mbrëmjen e së shtunës, Kreu i Partisë Demokratike Lulzim Basha dhe dhjetëra militantë të kësaj partie kanë përfunduar në QSUT për shkak se kanë pësuar irritime në sy, enjtje dhe probleme me shikimin./a.ç
